44% ng pamilyang Pinoy ang nagsabi na sila ay mahirap ayon sa SWS survey
Umakyat sa 44% ng mga pamilyang Pinoy ang nagsasabing sila ay mahirap base sa pinakahuling survey ng Social Weather Station (SWS).
Base sa survey na kinumisyon ng Business World noong December 3 haggang December 6, umaabot sa 10 Milyong mga pamilya ang nagsabi na sila ay mahirap.
Tumaas ang nasabing bilang kumpara sa 42% sa 3rd quarter ng nakaraang taong 2016.
Sa nasabi ring seurvey ay ipinapakita sa self-rated poverty reading na pababa ang trend ng mga nagsasabing sila’y naghihirap mula sa ginawang survey noong December 2014 kung saan 52% mula sa 1,500 respondents ang nagsabi na sila’y mahirap.
Ang SWS ay gumamit ng sampling margin of errors na +/- 3 points para sa national percentages, +/- 4 points para sa balance of Luzon at +/- 6 points para sa Metro Manila, Visayas at Mindanao.
Sa nasabi ring survey ay 34% o katumbas ng 7.7 Milyon na pamilya ang nagsabi sila ay “food-poor” na mas mataas ng 4-percent kumpara sa 3rd quarter ng 2016.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.