Tinupok ng apoy ang bahagi ng gusali ng Metropolitan Manila Development Authority (MMDA) sa Guadalupe, Makati City.
Sa report ng text fire, nagsimula ang sunog pasado alas 2:12 ng hapon sa 4th floor ng MMDA building sa Orense Street.
Umabot lang sa 1st alarm ang sunog, at agad naideklarang fire under control alas 2:30 ng hapon.
Ang tanggapan umano ng Commission on Audit (COA) ng MMDA ang naapektuhan ng sunog.
Dahil sa pagsiklab ng apoy, pinalabas muna ang mga empleyado sa gusali.
Dalawa naman ang nasugatan sa nasabing sunog. Ang dalawang empleyado ng MMDA na sina Raymond Obtinario at Elizalde Domingo ay nagtamo ng minor injuries.
Alas 2:43 naman ng hapon nang maideklarang fire out na ang sunog.
Situation here at @MMDA headquarters in Makati pic.twitter.com/OgBJbb3DYh
— jovic yee (@jovicyeeINQ) January 13, 2017
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.