Inabandonang bag sa Sta. Cruz Church, nagdulot ng tensyon
Nagdulot ng bahagyang tensyon ang isang kulay itim na bag na inabandona ng hindi pa natutukoy na nagmamay-ari nito sa harapan ng Sta. Cruz Church sa Ronquillo Street sa Maynila.
Dahil mahigpit ang ipinatutupad na seguridad sa Maynila ngayong araw bunsod ng nagpapatuloy na traslacion ng Itim na Nazareno.
Dahil dito, agad isinailalim sa X-ray ng mga tauhan ng Explosive and Ordnance Division (EOD) ng Manila Police District (MPD) ang nasabing kulay itm na bag.
Ayon sa mga nakasaksi, may isang tao na sadyang nag-iwan sa nasabing bag.
Habang sinusuri, hindi muna pinayagan ang mga tao na makalapit sa bahagi ng simbahan.
Nang tuluyang mabuksan, natuklasan na pawang damit lamang ang laman ng bag.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.