Pagsuspinde sa permit to carry firearms sa traslacion ng Itim na Nazareno, inirekomenda

By Erwin Aguilon January 05, 2017 - 12:20 PM

FEAST OF THE BLACK NAZARENE/JAN.9,2016 The Black Nazarene procession as the carriage passes Escolta, Manila. INQUIRER PHOTO/RAFFY LERMA
FEAST OF THE BLACK NAZARENE/JAN.9,2016
INQUIRER FILE PHOTO/RAFFY LERMA

Inirekomenda na ng pamunuan ng National Capital Region Police Office (NCRPO) kay Philippine National Police Chief, Director General Ronald Dela Rosa ang suspensyon ng permit to carry firearms sa buong lungsod ng Maynila sa pista ng Itim na Nazareno.

Ayon kay NCRPO chief Oscar Albayalde, base sa kanilang rekomendasyon sisimulan ng suspensyon ng PTC sa araw ng Linggo, January 8, ganap na alas 8:00 ng umaga hanggang sa Martes January 10, alas 8:00 ng umaga.

Sinabi ni Albayalde na bahagi ito ng kanilang security measure na ipatutupad para sa traslacion.

Naniniwala naman ang opisyal na aaprubahan ni Dela Rosa ang kaniyang rekomendasyon dahil ito naman aniya ay para sa kapakanan ng lahat.

Samantala, ayon kay Manila Police District Director Joel Coronel magpapatupad sila ng mga checkpoint operation sa buong lungsod.

Gayundin, papaigtingin nila ang anti-criminality campaign sa Quiapo, Maynila at sa mga lugar kung saan dadaan ang traslacion.

Mahigpit aniya nilang ipapatupad ang ordinansa ng lungsod na nagbabawal sa pag-inom sa mga pampublikong lugar.

 

TAGS: Feast of Black Nazarene, Quiapo Manila, Traslacion, Feast of Black Nazarene, Quiapo Manila, Traslacion

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.