Patay ang mag-asawa sa Cervera St. cor. Onyx St., Brgy. La Paz, Makati City matapos ma-trap sa nasusunog nilang dalawang palapag na bahay.
Kinilala ni Fire C/Insp. Gregorio Elbambo ng Makati Bureau of Fire Protection (BFP) ang mag-asawang nasawi na sina Edwin Cordovilla, 52, at Anna Maria Cordovilla, 59, habang nagtamo naman ng minor burn sa kaliwang braso si Earl Cordovilla, 23, na dinala sa St. Claire Hospital.
Lumalabas sa imbestigasyon na nagsimula ang apoy sa garahe ng bahay bandang 10:24 kagabi.
Umakyat hanggang sa ikalawang alarma ang sunog at dineklarang fire out bandang 3:25 ng madaling araw.
Labindalawang fire truck ang nagtulung-tulong para maapula ang sunog at hindi na kumalat pa, pero sa kabila nito nasawi pa rin ang mag-asawa matapos matrap sa loob ng kanilang bahay.