Dating Manila Mayor Mel Lopez, pumanaw na sa edad na 81

Kinumpirma ng mga kaanak ni dating Manila Mayor Mel Lopez ang pagpanaw nito kagabi matapos atakihin sa puso.

Ayon kay Manny Lopez, anak ng dating alkalde, kagabi binawian ng buhay ang kaniyang ama habang naka-confine sa St. Lukes’ Medical Center sa Quezon City.

Sa Huwebes aniya nakatakda ang libing ng kaniyang ama.

Dadalhin muna sa Tondo ang mga labi alkalde bago ang burol sa Heritage Park sa Taguig City.

Noong nakaraang buwan pa ng Disyembre naka-confine sa nasabing pagamutan si Lopez.

Si Lopez ay naging mayor ng Maynila mula 1986 hanggang 1987 at mula 1988 hanggang 1992.

Nagsilbi din siya bilang assemblyman sa Batasang Pambansa noong 1984 hanggang 1986.