2 “New Year babies”, ipinanganak sa Fabella Hospital

Kasabay ng pagsalubong ng mga Pilipino sa Bagong Taon ay inabangan din ang pagsilang ng mga tinaguriang “New Year babies” sa Dr. Jose Fabella Memorial Hospital.

Ayon kay Dr. Rica Ching, isang OB Gyne, na may dalawang New Year babies ang isinalang sa naturang ospital.

Isa sa mga bagong silang ay isang baby girl na pinangalanang Shamah Jane Bolon, na isinilang sa pamamagitan ng normal delivery

Ang isa pang sanggol ay isang baby boy na ipinanganak sa pamamagitan naman ng caesarian.

Pawang malusog ang mga isinilang na mga sanggol maging ang kanilang mga ina.

Kilala ang Dr. Jose Fabella Memorial Hospital sa pagiging pangunahing ospital pagdating sa paanakan.