22 pasahero, sugatan nang mahulog ang DLTB bus sa Quezon Province

Sugatan ang nasa dalawampu’t dalawang pasahero nang mahulog ang sinasakyan nilang DLTB Bus sa isang tulay sa Unisan Quezon Province kaninang madaling araw.

Ayon kay Quezon Police Director Senior Supt. Rhoderick Armamento, habang binabagtas ang tulay ng bus na may plate number na AQA6765 ay nagpa-gewang-gewang ito hanggang mawalan na ng kontrol ang driver at mahulog ito.

Galing ng Bicol ang nasabing bus at patungo ng Maynila, pero kinailangan nitong dumaan sa Gumaca, Quezon dahil sa aksidente sa Atimonan.

Isa sa mga nasugatan na nakilalang si Axel Tuita, 52 years old ay kinailangan ilipat ng ospital sa Lucena City habang ang ibang mga nasaktan ay agad namang nakalabas ng pagamutan.