Mula December 16, walang insidente ng pandurukot sa Divisoria, ayon sa NCRPO
Mula noong December 16, walang naitalang insidente ng pickpocketing o pandurukot sa Divisoria na talamak sa ganitong insidente lalo na kapag holiday season.
Ayon kay National Capital Region Police Office head Director Oscar Albayalde (NCRPO, magandang balita ito dahil taun-taon, grabe ang mga insidente ng snatching sa Divisoria kapag panahon ng kapaskuhan
Nagsagawa ng inspeksyon si Albayalde sa Divisoria Biyernes ng umaga para alamin ang ipinatutupad na seguridad doon.
Kapag ganitong panahon, nakapagtatala araw-araw ng dalawa hanggang tatlong insidente ng snatching sa Divisoria.
Ani Albayalde, malaking tulong ang pagdaragdag ng presensya ng mga pulis sa lugar.
Mula buwan ng Disyembre, umabot naman sa labing-anim na insidente ng nawawalang mga bata ang naiulat sa Divisoria.
Lahat sila ay naibabalik din agad sa kanilang magulang.
Kaninang umaga, sa pagtaya ng NCRPO, umabot sa 700,000 ang bilang ng mga taong dumagsa sa Divisoria.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.