CGMA inabswelto ng Ombudsman sa Malampaya fund scam
Ipinag-utos ni Ombudsman Conchita Carpio Morales ang mabilis na pagbasura sa Plunder case laban kay dating Pangulo at ngayo’y Pampanga Rep. Gloria Macapagal-Arroyo at dalawang iba pa.
Sa kanilang 134-page joint resolution, sinabi ni Morales na nabigo ang mga complainants na patunayan na sangkot si Arryo at ang mga dating Agriculture officials na sina Nida Baui at Dominador Sison sa pag-divert ng P900 million Malampaya fund.
Gayunman, ipinag-utos naman ng Ombudsman ang pagsasampa ng kasong Plunder kina dating Budget Secretary at ngayo’y Cong. Rolando Andaya Jr, negosyanteng si Janet Lim-Napoles at 23 iba pa dahil sa paglalagay ng pondo ng Malampaya project sa ilang pekeng Non-Government Organizations (NGOs).
Sila ay sasampahan rin ng 97 counts of violation of Section 3(e) of the Anti-Graft and Corrupt Practices Act at 97 counts of malversation through falsification of public documents dahil sa mga pekeng NGO ni Napoles.
Kabilang sa mga kinasuhan ay sina dating Budget Undersecretary Mario Relampagos, dating Department of Agrarian Reform former Secretary Nasser Pangandaman, Undersecretary Narciso Nieto at Director Teresita Panlilio, dating Candaba Mayor Rene Maglanque, Ruby Tuason, Jo Christine Napoles at James Christopher Napoles.
Kinasuhan rin sina Reynald Lim, Evelyn De Leon, Ronald Francisco Lim, Ronald John Lim, Eulogio Rodriguez, Simplicio Gumafelix, John Raymund De Asis at Rodrigo Galay.
Sabit din sa kaso sina Alejandro Garro, Paquito Dinso, Jr., Gerald Apuang, Napoleon Sibayan, Winnie Villanueva, Angelita Cacananta, at Ronald Venancio.
Ang kasong plunder ay walang piyansa base sa mga umiiral na batas sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.