Ayon sa PAGASA, anumang oras, mararamdaman na ang epekto ng bagyo sa nasabing lalawigan at pagkatapos ay magtutungo naman ito sa Cavite.
Sa latest weather bulletin ng PAGASA, huling namataan ang bagyo kaninang alas 7:00 ng umaga sa 60 kilometer South ng Tayabas, Quezon.
Taglay nito ang lakas ng hanging aabot sa 140 kilometers bawat oras at pagbugsong aabot sa 230 kilometers bawat oras.
Kumikilos ang bagyo sa bilis na 20 kilometers bawat oras sa direksyong West Northwest.
Nakataas pa rin ang public storm warning signal number 3 sa Southern Quezon, Marinduque, Batangas, Northern Oriental Mindoro, Lubang Island, Cavite at Laguna.
Signal number 2 sa Metro Manila, Rizal, Northern Quezon kabilang ang Polillo Islands, Bulacan, Bataan, Pampanga, Southern Zambales, nalalabing bahagi ng Oriental Mindoro, Romblon, Northern Occidental Mindoro, Camarines Norte at Camarines Sur.
At signal number 1 sa nalalabing bahagi ng Occidental Mindoro, nalalabing bahagi ng Zambales, Tarlac, Nueva Ecija, Southern Aurora, Pangasinan, Albay at Burias Island.
Alas 2:00 ng hapon mamaya inaasahang lalabas sa landmass ng Batangas ang bagyo at magtutungo naman ng Cavite kung saan inaasahan ang pinakamalapit na lokasyon nito sa Metro Manila.
Sa Miyerkules ng umaga ang posibleng paglabas ng bagyo sa Philippine Area of Responsibility.