Ayon sa 11:00 PM update ng PAGASA, tumama na muli sa lupa ang bagyo sa bahagi ng Sagñay-Buhi sa lalawigan ng Camarines Sur.
Taglay ng bagyo ang malakas na hangin na umaabot sa 175 kilometers per hour at pagbugsong umaabot sa 290 kph.
Bukod sa malakas na hangin, nagdudulot rin ng malakas na pag-ulan ang bagyo sa naturang lugar at maging sa kalapit na mga lalawigan.
Bahagyang bumilis ang bagyo na tinatahak ang direksyong pa-kanluran sa bilis na 20 kph.
Dahil dito, itinaas na rin ng PAGASA ang Tropical Cyclone Warning
Signal number 4:
Camarines Norte,
Camarines Sur at;
Southern Quezon
Signal number 3:
Catanduanes,
Laguna,
Batangas,
Marinduque,
Albay, at ang iba pang bahagi ng Quezon
Signal number 2:
Metro Manila,
Bulacan,
Rizal,
Cavite,
Oriental Mindoro,
Polillo Islands,
Sorsogon, Lubang Island,
Burias Island
Signal number 1:
Pangasinan,
Nueva Ecija,
Aurora,
Quirino,
Nueva Vizcaya,
Zambales,
Pampanga,
Tarlac,
Bataan,
Occidental Mindoro,
Romblon, Masbate kasama na ang Ticao Island,
Northern Samar
Bukod sa Catanduanes at Camarines Sur, tinatumbok rin ng bagyo ang mga lalawigan ng Camarines Norte, Southern Quezon, Laguna, Batangas at Cavite.