Umabot na sa labing-apat ang nasawi sa bagyong Soudelor sa Southeastern China habang mayroon pang apat na nawawala.
Sa Eastern City of na Wenzhou, na nakaranas ng matinding pag-ulan at mudslides, labing-dalawa ang nasawi dahil sa mga nawasak na bahay. Ang dalawa pang nasawi ay mula sa kalapit na Lishui City.
Sa report ng China state media, nag-landfall ang Typhoon Soudelor sa Putian City noong Sabado ng gabi.
Mahigit 185,000 katao ang inilikas sa mas matataas na lugar dahil sa pagbahang dulot ng bagyo.
Nauna nang nanalasa sa Taiwan ang bagyo partikular sa Hualien City. Kung saan umabot sa 210 kilometers kada oras ang pagbugso ng nasabing bagyo./ Dona Dominguez-Cargullo
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.