Sa abiso ng MRT sa kanilang twitter account, alas 7:45 ng umaga nang unang maranasan ang aberya makaraang isang tren nito ang makaranas ng technical problem.
Pinababa ang mga pasahero sa GMA Kamuning station sa southbound at pinasakay na lamang sa kasunod na tren.
Alas 8:07 naman ng umaga, muling nakaranas ng technical problem ang isa pang tren ng MRT at pinababa din ang mga pasahero sa bahagi ng Magallanes station southbound.
Kagabi sa kasagsagan ng rush hour, mula alas 8:28 ng gabi, nagpatupad ng provisional service o pina-iksing biyahe ang MRT mula Shaw hanggang Taft Station lamang dahil din sa technical problem.
Inabot ng dalawang oras bago naibalik ang buong serbisyo ng tren.