Inanunsyo ng lokal na pamahalaan ng Cavite na ipapatupad na sa lalawigan ang number coding scheme.
Sa Facebook page ng provincial government ng Cavite, ipinaalam nila sa publiko na paiiralin na nila sa ilang lugar ang Unified Vehicular Reduction System o mas kilala sa Number Coding Scheme.
Gayunman, wala pang eksaktong petsa kung kailan ito sisimulan.
Sa ilalim ng provincial ordinance, ang mga pribadong sasakyan, vans, at trucks na may plakang 1 at 2 ay hindi maaring dumaan sa mga pangunahing kalsada ng lalawigan tuwing Lunes, 3 and 4 naman tuwing Martes, 5 at 6 tuwing Miyerkules, 7 at 8 kapag Huwebes, at 9 at 0 tuwing Biyernes.
Hindi makakadaan ang mga motorista sa mga nasabing panahon sa Aguinaldo Highway, Governor’s Drive, Molino-Salawag-Paliparan Road, Molino Bouelvard, at Daang Hari Road mula alas-6:00 hanggang alas-9:00 ng umaga, at alas-3:00 ng hapon hanggang alas 7:00 ng gabi.
Magiging exempted naman sa ordinansa ang mga public utility vehicles, school buses, emergency at government vehicles.
Papatawan ng P300.00 na multa ang mga lalabang sa ordinansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.