Trust rating ni Pangulong Duterte, bumaba pero excellent pa rin

Hawak pa rin ni Pangulong Rodrigo Duterte ang tiwala ng mga tao kahit limang buwan na siyang nanunungkulan.

Base kasi sa pinakahuling SWS survey, napanatili ni Duterte ang kaniyang “excellent” trust rating.

Nakakuha si Duterte ngayon ng +72 na net trusting.

Bagaman apat na puntos itong mas mababa sa +76 rating na nakuha niya noong Setyembre, pasok pa rin naman ito sa pagiging excellent.

Isinagawa ang Fourth Quarter survey sa pamamagitan ng face-to-face interview mula December 3 hanggag 6 sa 1,500 adults sa iba’t ibang bahagi ng bansa.