Santa Monica, Surigao Del Norte, niyanig ng magnitude 5.3 na lindol
Niyanig ng magnitude 5.3 na lindol ang bayan ng Santa Monica sa Surigao del Norte.
Naitala ng Phivolcs ang pagyanig sa 14 kilometers North ng bayan ng Burgos kaninang alas 4:44 ng umaga.
Ayon sa Phivolcs ang lindol ay may lalim na 48 kilometers at tectonic ang origin.
Naitala ang sumusunod na Intensities bunsod ng nasabing pagyanig:
Intensity IV:
Surigao City
Mayorga, Leyte
at San Juan, Southern Leyte
Intensity III:
Cagayan De Oro City
Butuan City
at Palo, Leyte
Habang gamit ang Instrumental Intensities naitala din ng Phivolcs ang Intensity II sa Cebu City.
Unang iniulat ng Phivolcs ang magnitude 5.2 na lindol sa bayan ng Burgos, Surigao del Norte, pero sa updated information na inilabas nito, itinaas sa magnitude 5.3 ang lindol at sinabing sa bayan ng Santa Monica ito naitala.
Bagaman hindi inaasahang magdudulot ito ng pinsala, sinabi ng Phivolcs na maaring makaranas ng aftershocks bunsod ng nasabing lindol.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.