Presyo ng mga ticket para sa 65th Miss Universe, isinapubliko na

Isinapubliko na ng mga organizer ng 65th Miss Universe ang listahan ng presyo ng mga ticket para sa coronation night sa January 2017.

Batay sa listahan, ang VIP ticket o pinakamahal na ticket ay nagkakahalaga ng P50,000.

Ang Lower Box A tickets ay mabibili sa presyong P25,800; P23,800 naman para sa Lower Box B tickets; P4,800 para sa Upper Box tickets; at P2,000 para sa general admission.

Ang bentahan ng tickets ay mag-uumpisa sa December 20, 2016 sa smtickets.com.

Ang Miss Universe coronation night ay gaganapin sa January 30, 2017, alas-otso ng umaga (Manila time), sa Mall of Asia Arena in Pasay City.