Putin ng Russia, No. 1 sa Most Powerful list ng Forbes; Trump pumapangalawa
Si President Vladimir Putin pa rin ng Russia ang itinuturing na ‘World’s Most Powerful Man’ ng Forbes Magazine sa taong ito samantalang pumapangalawa sa kanya si US President-elect Donald Trump.
Ito na ang ikaapat na sunud-sunod na taon na kinilala si Putin bilang pinakamaimpluwensyang tao sa buong mundo.
Ayon sa naturang business magazine, patuloy na nararamdaman ang impluwensya ni Putin kahit saan mang sulok ng mundo hanggang ngayon.
Mula aniya sa Russia hanggang sa US presidential elections, patuloy na nakukuha ng lider ang kanyang gusto.
Sa mga nakaraang taon, lalo pa anilang lumakas ang saklaw ng Russian president ayon pa rin sa Forbes.
Samantala, ang pagkatig ng dalawang kapulungan ng Kongreso ng Amerika, ang hindi pagkatinag ni Trump sa kabila ng mga eskandalo at ang bilyun-bilyong salapi nito ang ilan lamang sa nagpataas sa ranking sa susunod na presidente ng Amerika.
Noong 2015, nasa ika-72nd si Trump sa ranking ng Forbes.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.