Pupunta si Pangulong Rodrigo Duterte sa Cambodia ngayong araw, para sa dalawang araw na state visit kung saan inaasahang isusulong niya ang rule of law at mapayapang pag-resolba sa isyu ng teritoryo sa South China Sea.
Nakatakda ring humarap si Duterte kay King Norodom Sihamoni at dumalo sa isang bilateral meeting kasama si Prime Minister Hun Sen.
Ayon kay Foreign Affairs spokesman Charles Jose, posibleng matalakay ang isyu sa South China Sea sa kaniyang pulong kasama si Hun Sen, sa ilalim ng usapin tungkol sa regional defense and security.
Aniya pa, kahit paano ay masaya naman ang Pilipinas sa naging pahayag ng Association of Southeast Asian Nations (ASEAN) kaugnay sa isyu sa South China Sea sa nagdaang summit.
Pero inaasahan rin aniya na mas igigiit ni Pangulong Duterte sa pagbisita niya sa Cambodia ang pagsunod sa rule of law sa pagresolba sa nasabing problema.
Bukod sa South China Sea issue, inaasahan rin na paguusapan nina Duterte at Hun Sen ang proteksyon sa mga Filipino-Cambodian migrant workers at ang cultural and tourism cooperation sa Vietnam.
Posible rin na magkaroon ng pirmahan ng memorandum of agreement para sa sports development ang dalawang bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.