Panibagong dagdag presyo sa produktong petrolyo, ipatutupad bukas
Magpapatupad muli ng dagdag sa presyo ng mga produktong petrolyo ang mga kumpanya ng langis bukas, araw ng Martes.
Sa abiso ng Flying V, PTT Philippines Corp., Pilipinas Shell Petroleum Corp., Chevron Philippines Inc. (Caltex) at Phoenix Petroleum Philippines Inc., tataas ng P1.40 ang kada litro ng diesel at gasolina.
Ang Shell, Chevron and Flying V ay magtataas din sa presyo ng kerosene na papatak sa P1.45 kada litro.
Epektibo alas sais ng umaga bukas ang dagdag presyo ng mga kumpanya ng langis maliban na lang sa Flying V na mamayang hatinggabi na magpapatupad.
Batay sa datos ng Department of Energy, naglalaro sa P26.15 hanggang P30.85 ang presyo ng kada litro ng diesel sa bansa.
Habang ang presyo naman ng gasolina kada litro ay naglalaro sa P34.60 hanggang P45.60.
Ang naturang oil price increase ay bunsod pa rin ng paggalaw ng halaga ng langis sa pandaigdigang merkado.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.