Sarangani, Davao Occidental, niyanig ng magnitude 4.4 na lindol

Niyanig ng magnitude 4.4 na lindol ang bayan ng Sarangani sa lalawigan ng Davao Occidental, Lunes (Dec. 12) ng madaling araw.

Naitala ng Phivolcs ang pagyanig sa 17 kilometers South ng Sarangani alas 2:37 ng madaling araw.

Ayon sa Phivolcs, tectonic ang origin ng pagyanig na may lalim na 15 kilometers.

Wala namang nai-record na intensity bunsod ng nasabing pagyanig, gayunman, nasundan ito ng aftershock.

Alas 4:51 ng umaga kanina nang maitala ng Phivolcs ang magnitude 2.8 na pagyanig sa nasabi ring bayan.

Naitala ang afterschock sa 68 kilometers South ng Sarangani.

Wala namang inaasahang pinsala ang Phivolcs sa dalawang magkasunod na lindol.