2 bagyo, inaasahang papasok sa PAR bago matapos ang 2016 – PAGASA

Isa hanggang dalawang bagyo pa ang inaasahang papasok sa Pilipinas ngayong Disyembre, o bago magtapos ang taong 2016.

Pero ayon sa PAGASA, sa ngayon ay wala pa silang namomonitor na sama ng panahon.

Wala ring binabantayang low pressure area o LPA na papasok sa loob ng Philippine Area of Responsibility o PAR.

Batay sa 11AM weather bulletin ng PAGASA, nakaka-apekto ang thunderstorms sa ilang parte ng Bohol, Cebu, Negros Oriental, Camarines Norte, Catanduanes, Romblon at iba pang kalapit lugar.

Iiral naman ang northeast monsoon sa northern Luzon, na magdadala ng malakas na hangin.