Pelikulang “La La Land”, inaasahang mangunguna sa nominasyon ng Golden Globes

Iaanunsyo na ang mga nominado sa prestiyosong Golden Globes sa darating na Lunes, oras sa US kung saan inaasahan ng mga crtirics na ang musical film na “La La Land” ang mangunguna sa mga nominado na kasundo ang mga pelikulang “Moonlight” “Manchester by the Sea” at “Lion”.

Ang mga nagiging nominado sa naturang award giving body ay pinagdedesisyunan ng Hollywood Foreign Press Association (HFPA), isang grupo ng mg journalists.

Matatandaang naging kontrobesyal ang nasabing award giving body dahil sa naging pagkakakasama ng mga pelikulang “The Martian” at “Joy” sa comedy/musical category nito noong nakaraang taon.

Ayon naman sa awards prediction site na Gold Derby, na mangunguna ang “La La Land” ni Damien Chazelle na pawang isang musical at romantic comedy sa mga magiging nominado kung saan tampok sina Emma Stone at Ryan Gosling.

Kasama din mga pelikulang inaasahang hahakot ng nominasyon ay ang pelikulang “Moonlight” ni Barry Jenkins ay “Lion” ni Garth Davis.

Ilan pa sa mga inaasahang maging nomindao sa Golden Globes ay sina Denzel Washington para sa sa kanyang directorial debut sa pelikulang “Fences”, Emily Blunt para sa “The Girl on the Train”, Isabelle Huppert para sa “Elle”, Viola Davis para sa “Fences,  Ruth Negga para sa “Loving” at Natalie Portman para naman sa “Jackie”.

Gaganappin ang 74th Golden Globe Awards sa Beverly Hilton sa Beverly Hills sa January 8, 2017.