Jack Lam, handa nang sumuko ayon sa PNP

Nagpadala na ng surrender feeler sa Philippine National Police ang online gaming operator at Chinese tycoon na si Jack Lam.

Hindi naman idinetalye ni PNP chief Gen. Ronald ‘Bato’ Dela Rosa kung kailan o paano susuko si Lam.

Pero hinala ni Bato ay nasa Macau lamang si Lam at doon nagtago matapos na madiskubre ang ginawang pagpapasok ng mga trabahanteng Chinese sa kanyang establisyimiento sa Pampanga.

Kaugnay nito ipinag-utos na rin sa kanya ni Pangulong Rodrigo Duterte na hulihin at hanapin si Lam.

Si Lam ang nagpapatakbo ng casino sa loob ng Fontana Leisure Park sa Pampanga.