Byahe ni Duterte sa Russia plantsado na

By Mariel Cruz December 06, 2016 - 03:51 PM

duterte-putin
Inquirer file photo

Ibinida ni Department of Foreign Affairs Sec. Perfecto Yasay na naging makabuluhan ang kanyang unang pagbisita sa Russia.

Tumulak si Yasay sa Moscow para makipagpulong sa kanyang counterpart na si Russian Foreign Minister Sergey Lavrov.

Sa nasabing pulong, sinabi ni Yasay na natalakay ang tungkol sa bilateral relations ng Pilipinas at Russia tulad ng pagpapaigting sa kooperasyong pampulitikal, seguridad, ekonomiya at kultura.

Napag-usapan din aniya ang gagawing preparasyon sa pagbisita ni Pangulong Rodrigo Duterte sa Russia sa susunod na taon.

Maging ang chairmanship aniya ng Pilipinas sa ASEAN 2017 at ilan pang usapin na may kinalaman sa United Nations ay natalakay din sa pagpupulong.

Pero sa kabila nito, iginiit ni Yasay na hindi ito ang unang pagkakataon na pinalakas ng Pilipinas ang relasyon sa Russia dahil ang ibang naging kalihim ng DFA ay sumalang din sa bilateral meetings sa naturang bansa.

TAGS: asean 2017, DFA, duterte, Putin, Russia, yasay, asean 2017, DFA, duterte, Putin, Russia, yasay

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.