Naghain ng one month leave sa trabaho si Energy Regulatory Commission (ERC) Chairman Jose Vicente Salazar sa gitna ng pagsasagawa ng imbestigasyon sa umano’y irregularidad sa ahensya.
Nag-ugat ang imbestigasyon sa ahensya matapos magpakamatay ni ERC Commissioner Francisco Villa Jr. noong nakaraang buwan dahil sa pressure sa trabaho.
Ayon kay Salazar, nais niyang mag-leave sa trabaho para tutukan ang pagbibigay ng tulong sa isasagawang imbestigasyon kaugnay sa mga isyu na may kinalaman sa ERC.
Sinabi rin ng opisyal na magsisilbing ERC Officer-in-Charge si Commissioner Geronimo Sta. Ana habang siya ay nakabakasyon.
Bago pa man mag-leave si Salazar, nakipagpulong pa ito noong nakaraang linggo kay Pangulong Rodrigo Duterte.
Una nang nanawagan ang pangulo sa lahat ng opisyal ng ERC na magbitiw na sa puwesto.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.