Eastern Indonesia, niyanig ng magnitude 6.0 na lindol

Niyang ng magnitude 6.0 na lindol ang karagatang sakop ng Eastern Indonesia.

Ayon sa US Geological Survey, naitala ang pagyanig sa 190 kilometers northeast ng Maumere na nasa bahagi ng karagatan.

Hindi naman nagpalabas ng tsunami warning dahil sa nasabing lindol.

Bagaman malakas, may kalaliman naman ang pagyanig na umabot sa 522 kilometers kaya hindi ito inaasahang magdudulot ng pinsala.