Presyo ng Diesel, bababa bukas

Matapos ang big time oil price hike na ipinatupad noong nakaraang linggo, may kakarampot na pagbaba sa presyo ng kada litro ng diesel bukas.

Nasa 20 hanggang 30 centavos ang mababawas sa kada litro ng diesel, habang wala namang paggalaw sa presyo ng gasolina at kerosene.

Noong nakaraang Martes, nagdagdag ang mga kumpanya ng langis ng P1.50- sa kada litro ng gasolina, P1.20 sa kada litro ng diesel at P1.40 sa kada litro ng kerosene.

Dahil sa nasabing big-time oil price hike, pumalo na sa mahigit P30 ang presyo ng kada litro ng diesel at mahigit P42 naman ang presyo ng kada litro ng gasolina sa mga malalaking kumpanya ng langis.