Maute Group, hindi makikipagnegosasyon sa gobyerno

Tinangihan ng isang lider ng Maute group ang alok na negosasyon ng gobyerno.

Nakausap ni Councilor Saiben Panolong ng Butig, Lanao Del Sur, na siyang emisaryo ng gobyerno ang isa sa mga lider ng naturang grupo.

Ayon kay Panolong, ayaw ng mga ito na makipagnegosasyon dahil ang tangi nilang intension ay ma-provoke si Pangulong Rodrigo Duterte at wala silang hinihingi mula dito.

Kasama ng iba pang opisyal ay nakasuap nila Panolong si Omarkhayam Maute, na isang mga founder ng naturang teroristang grupo.

Sinabi rin ni Panolong na ayon kay Omarkhayam sila ay mga jihadists.