2 patay, apat arestado sa buy-bust sa Caloocan at Malolos City
Patay ang isa habang arestado ang apat sa ginawang Oplan Galugad ng Caloocan police sa Block 11, Sawata St. Brgy. 35 Maypajo, Caloocan City.
Ayon kay Station Anti-Illegal Drugs chief, Police Chief Inspector Leo Thomas, habang nagsasagawa sila ng operasyon sa lugar, biglang nagtakbuhan ang mga suspek.
Sinabi pa ni PCI Thomas, naaktuhan pa nila ang mga suspek na nag-aabutan ng bawal na gamot.
Pero ang napatay na suspek ay bumunot umano ng improvised shot gun at pinaputukan ang mga pulis na gumanti naman ang mga otoridad na kinasawi nito.
Nakuha sa tabi ng suspek ang kulay puting improvise shotgun nito, ilang basyo ng baril at piraso ng maliit na plastic sachet na naglalaman ng hinihinalang shabu.
Samantala, sa Brgy. Kaingin, Malolos City, Bulacan, nasawi rin ang suspek na nakilala sa alyas ‘Joseph’ makaraang manlaban rin umano sa mga pulis.
Diumano, natunugan umano nito na aarestuhin na siya ng mga pulis kaya’t nagtangka itong paputukan ang mga papalapit na otoridad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.