Terror Alert Level 3 posibleng gamitin para gipitin ang mga Anti-Marcos at Duterte groups

Binalaan ng grupong Anakbayan si Pangulong Rodrigo Duterte sa paggamit ng banta ng terorismo at sa paglalagay ng Philippine National Police sa bansa sa Terror Alert 3 para gipitin ang nga kalaban nito sa politika at para magdeklara ng Martial Law.

Kaugnay nito, hinikayat ni Anakbayan National Chairperson Vencer Crisostomo ang publiko na magbantay lalo’t itinyempo ito sa magkakasunod na Anti-Marcos at Duterte protest.

Nagpahayag din ng pagkaalarma ang grupo sa mala Marcos na pahayag nito tulad ng bantang pagpatay sa mga human rights advocates, bantang  suspensyon ng writ of habeas corpus at deklarasyon ng batas militar.

Malinaw aniya sa mga banta ni Duterte na role model nito si dating pangulong Ferdinand Marcos.

Dapat din aniyang mag ingat ang mga pilipino sa mga panukala ng pangulo na pagbuhay sa Philippine Constabulary (PC) at Reserve Officers Training Course (ROTC).