Inamin ng naarestong suspek na nagtanim sila ng bomba sa Roxas Boulevard malapit sa US Embassy noong Lunes.
Sa press conference sa Camp Crame, iniharap ni Philippine National Police chief Director General Ronald dela Rosa sa media ang dalawa na sina Rashid Kilala at Jiaher Guinar na kapwa mula sa Marawi City.
Ani Dela Rosa, na isang Toyota Revo ang pinagsakyan nila sa bonba.
Sa ngayon tinutugis pa ng PNP ang tatlo pang kasabwat ng dalawa na maaring nakauwi na umano ng Marawi City.
Ayon kay Dela Rosa, kasapi sila ng Ansar al-Khilafah at kaalyado ng Maute group.
Una umanong inilagay ang IED sa Luneta pero hindi ito sumabog, at pagkatapos ay inilagay naman sa baywalk.
Ang cellphone na dapat gagamiting triggering device ay nasabat mula kay Guinar.