Hindi pagbabanta kundi paglalabas lamang ng pagkadismaya ang ginawang pahayag ni Pangulong Rodrigo Duterte na papatayin niya ang mga human rights activists na patuloy na pumupuna sa kanyang anti-illegal drug campaign.
Ayon kay Presidential Communications Assistant Secretary Kris Ablan, walang intensyon ang pangulo na takutin ang sinuman.
Apela ni Ablan sa publiko na suriin ang aksyon ng pangulo sa halip na tutukan ang kanyang mga pananalita.
Inihalimbawa pa ni Ablan na hindi naman sinisikil ng pamahalaan ang media at mga kritiko na bumabanat sa administrasyon.
Nauna ng sinabi ng pangulo na hindi siya mag-aatubili na isama sa kill list ang mga human rights activist na krikital sa kanyang kampanya kontra sa ilegal na droga.