Patay ang dalawang miyembro ng Abu Sayyaf matapos maka-engkwentro ang mga tauhan ng Philippine Navy sa Zamboanga City.
Nagsasagawa ng maritime patrol ang mga tauhan ng Philippine Navy kasama ang mga tauhan ng Philippine National Police sa Sitio Niyog-Niyog, barangay Muti, nang maka-engkwentro ang dalawang suspek na tauhan umano ni ASG sub-leader Marzan Ajijul.
Namataan ng mga otoridad ang isang motorized pump boat sakay ang dalawang suspek na nangingikil umano sa mga mangingisda sa lugar.
Nang sitahin ng mga tauhan ng Navy at PNP, agad bumunot ng baril ang dalawa, dahilan para paputukan sila ng mga otoridad.
Nakuha mula sa mga suspek ang isang kalibre 45 na baril, isang granada at plastic sachet ng hinihinalang shabu.