UP Pep Squad at Dance Group, nag-uwi ng 6 medalya mula sa Indonesia

By Kabie Aenlle November 28, 2016 - 04:24 AM

Inquirer file photo (2012)

Anim na medalya ang iniuwi ng University of the Philippines (UP) Pep Squad at UP Filipiniana Dance Group mula sa 2nd Asian Cheerleading and Dancesport Championship na ginanap sa Jakarta, Indonesia.

Nakasungkit ng gintong medalya ang UP Pep Squad at UP Filipiniana Dance Group sa mixed group stunts sa patimpalak kung saan sila sumali bilang kinatawan ng Pilipinas.

Nag-wagi rin sila ng silver medals sa all-female team cheer, cheerdance duo, at cheerdance group categories, habang bronze naman ang nakuha nila sa all-female group stunts at mixed team cheer category.

Nag-uwi na rin ng tatlong bronze medals ang UP Pep Squad noong nakaraang taon sa kanilang laban sa 2015 Cheerleading World Championship (CWC) na ginanap naman sa Berlin, Germany.

Matatandaang hindi sumali ang UP Pep Squad sa nagdaang 2016 UAAP Cheerdance Competition, dahil sa kanilang protesta laban sa kanilang pagiging third place noong Season 78.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.