100 ang patay sa truck bomb sa Iraq

Aabot na sa 100 ang patay sa pagsabog ng truck sa isang gasolinahan sa Baghdad Iraq.

Sa ulat ng Reuters, karamihan sa mga nasawi ay pawang Iranian Shi’ite Pilgrims.

Ang Sunni militant group ng Islamic State ang umako sa pag-atake batay sa inilabas nilang statement online.

Ang gasolinahan kung saan naganap ang truck bomb ay mayroong restaurant na popular sa mga biyahero.

Wasak na wasak ang gasoline station matapos ang pagsabog at maraming sasakyan ang nasunog.

Kinondena naman ng Iran Foreign Ministry at ng pamahalaan ng Estados Unidos ang nasabing pag-atake.