Ayon sa kaniyang tagapagsalita na si Georgina Hernandez, nakarating na sa kanila ang tungkol sa mga “well-funded” at “well-orchestrated” na demolition campaign laban sa bise presidente.
Ani Hernandez, naniniwala naman sila sa kakayahan ng mga Pilipino na matukoy kung ano ang katotohanan at kung ano ang pekeng balita lamang.
Mismong si Robredo naman ang nagsabi na ang kumakalat na isyung ito ay nakakatawa, pero nakakainsulto rin para sa mga kababaihan.
Nabanggit rin ni Pangulong Rodrigo Duterte ang isyung ito sa kaniyang talumpati noon sa Tacloban City, at agad na umiling si Robredo nang tanungin ng pangulo kung ito ay totoo.
Biro pa ng pangulo, maaring may mapatay na kongresista sakaling totoo ang usap-usapang ito.
Sa palagay ni Robredo, maaring konektado ang tsismis na ito sa naunang kumalat na usap-usapang may relasyon siya sa isang kongresista sa Quezon City.