P110M na halaga ng shabu, nasabat sa Makati

Aabot sa dalawampu’t dalawang kilo ng high-grade na shabu ang nasamsam ng mga tauhan ng mga pilis sa isinagawang operasyon sa Guadalupe, Makati City.

Ang drug buy-bust operation ay isinagawa ng mga tauhan ng Southern Police District (SPD) – District Anti-Illegal Drugs (DAID).

Dalawang suspek ang naaresto at nasabat sa kanila ang malalaking pakete ng shabu na aabot sa 22 kilo at tinatayang nasa P110 milyon ang halaga.

Isinagawa ang buy-bust sa ABC Building sa EDSA-Guadalupe sa Makati City.

Nakatakdang iprisinta sa media ni PNP Chief Ronald Dela Rosa ang mga nasabat na shabu at mga naarestong suspek.