Sa bihirang pagkakataon ay nagsalita ng kanyang mga pananaw kaugnay sa pulitika si Ginang Celia Diaz Laurel, ang asawa ni dating Vice President Salvador “Doy” Laurel.
Sinabi ni Laurel na tama lamang na mailibing sa Libingan ng mga Bayani si dating Pangulong Ferdinand Marcos.
Sa panayam, sinabi ni Laurel na hindi maitatanggi na malaki ang nagawa ni Marcos sa bansa na pinakikinabangan ngayon ng mga Pinoy.
Pero nilinaw ng ginang na ang kanyang pahayag ukol sa hero’s burial kay Marcos ay sarili niyang pananaw at hindi para sa pamilya Laurel.
Sa mga huling araw sa pwesto ni dating Pangulong Marcos ay nagtangka sanang tumakbo bilang pangulo si dating Vice President Laurel pero nagbigay daan ito sa kandidatura ni dating Pangulong Cory Aquino.
Natapat kahapon ang libing ni Marcos sa ika-88 taong kaarawan ni dating VP Laurel.