Naka-engkwentro ng tropa mula sa 35th Infantry Batallion na pinangungunahan ni Maj. Saddama ang humigit-kumulang 150 miyembro ng ASG na pinamumunuan ni ASG Leader Radullan Sahiron sa Sitio Dyundangan, Brgy Buhanginan, Patikul, Sulu.
Tumagal ang palitan ng putok ng halos 45-minuto na nagresulta sa pag-atras ng ASG.
Apat naman ang napatay sa panig ng militar at sampu pang sundalo ang sugatan.
Sa panig naman ng ASG ay nasa sampu ang napatay habang hindi pa tiyak ang bilang ng mga sugatan base sa ground units at intelligence reports.
Kaugnay nito, nagsagawa ng indirect fire support ang 105mm Howitzers habang ang ibang units ay nagsagawa naman ng pursuit and blocking operations.
Ang Joint Task Force Sulu ay naglunsad ng Casualty Evacuation (CASEVAC) at inatasan ang S76 air ambulance ng CASEVAC mula sa Sulu patungong Camp Navarro General Hospital sa Zamboanga City.
Inutusan naman lahat ng units na magsagawa ng checkpoints sa kanilang mga lugar.
Sa kabila ng pagkakaron ng casualties ay ipagpapatuloy ng militar ang combat operations laban sa ASG, mailigtas ang mga kidnap victims at matigil ang terror attacks na gawa ng naturang bandidong grupo sa lalawigan ng Sulu at sa iba pang mga probinsya.