Kahit nag-iisa, hindi nagpasindak ang 22-anyos na si Nicole Aliasas na magtungo sa Libingan ng mga Bayani, suot ang itim na damit para magprotesta matapos mabalitaan ang paglilibing sa dating pangulo.
Si Aliasas ay marketing associate na nagtatrabaho sa Bonifacio Global City sa Taguig.
Ayon kay Aliasas, una siyang nakatangga ng text message na nag-aanyaya ng noise barrage sa Timog, pero nang malaman niyang ngayon na mangyayari ang paglilibing, nagpasya siyang dumeretso ng LNMB kaysa magpunta pa sa QC.
At kahit marami nang Marcos supporters nang dumating siya sa LNMB, taas-kamaong nagprotesta ng mag-sa si Aliasas.
Despite her nerves, marketing associate Nicole Aliasas undertakes solo protest at LNMB pic.twitter.com/BAaGUtqoyY
— Tarra Quismundo (@TarraINQ) November 18, 2016
Samantala, ilang oras matapos pumutok ang balitang Marcos burial, nagsagawa na ng magkakahiwalay na noise barrage sa magkakaibang lugar sa Metro Manila.
Sa Philcoa sa Quezon City, nagsagawa ng kilos protesta ang grupong Gabriela.
Pawang nakaitim ang mga babaeng nagsagawa ng protesta, bitbit ang mga placards na may nakasulat na “No Hero No Honors!”.
WATCH: Kilos Protesta ng Gabriela sa Philcoa QC – @inquirerdotnet @Team_Inquirer via Joan Bondoc pic.twitter.com/c0OyAQZSmx
— RadyoInquirer990AM (@dzIQ990) November 18, 2016
Lumabas naman ng classroom ang mga estudyante ng St. Scholastica sa Leon Guinto Maynila para magprotesta.
Sigaw ng mga mag-aaral, hindi bayani si Marcos kaya hindi ito dapat ilibing sa Libingan ng mga Bayani.
WATCH: Noise Barrage ng nga estudyante ng St. Scholastica Mla -via RemZamora pic.twitter.com/TfefbZpkz4
— RadyoInquirer990AM (@dzIQ990) November 18, 2016
May ikinakasa na ring protesta na isasagawa sa Mendiola Maynila ng grupong Bayan at sa People Power Monument sa EDSA.