Dalawang flights, kanselado na dahil sama ng panahon

Kanselado na ang dalawang domestic flights sa Ninoy Aquino International Airport dahil sa sama ng panahon.

Sa abiso ng Manila International Airport Authority, kanselado na ang biyahe ng Cebu Pacific na 5J 504 at 505 Manila-Tuguegarao-Manila.

Ito ay dahil sa masang panahon na nararanasan sa Tuguegarao City.

Ang mga apektadong pasahero ay pinapayuhan na makipag-ugnayan sa airline company para sa rebooking.

Sa abiso ng PAGASA ang Northern at Central Luzon ay apektado ng tail-end ng cold front. / Dona D