Balitang isinugod sa ospital si Manila Mayor Joseph Estrada, hindi totoo
Itinanggi ng pamunuan ng Manila City Hall na isinugod sa ospital si dating pangulo at ngayon ay Manila Mayor Joseph Estrada.
Ayon kay Bambi Purisima, media relations officer ni Mayor Erap, walang katotohanan ang mga balita na nasa ospital ang alkalde.
Sinabi ni Purisima na nasa mabuti namang kalagayan ang alkalde at walang iniindang sakit.
Sa katunayan, maagang naghanda si Mayor Erap, Miyerkules ng umaga para sa pagpasok sa Manila City Hall.
Martes ng gabi kumalat ang balita na isinugod sa UST hospital si Mayor Erap.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.