2 sugatan sa sunog sa Masbate provincial police headquarters
Isang sunog ang naganap sa headquarters ng Masbate provincial police sa Masbate City ngayong Martes ng umaga.
Sa ulat ng Inquirer Southern Luzon, dalawa ang nasugatan dahil sa nasabing sunog na naganap sa armory ng headquarters.
Nagsimula ang sunog alas 2:00 ng madaling araw sa Camp Bonny Serrano na nasundan ng mga pagsabog.
Ang dalawang nasugatan ay hindi pa nakikilala pero ayon sa mga tauhan ng fire department, naninirahan sila malapit sa kampo.
Makalipas ang dalawang oras, naapula din ang sunog.
Napinsala sa sunog ang supply room ng kampo at ang mga tanggapan ng National Police Commission, Police Community Relations Branch, Women’s and Children’s Desk at ang crime laboratory.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.