Convoy ng militar sa Sulu pinasabugan

Pinasabugan ng improvised explosive device ang isang convoy ng militar sa Patikul, Sulu.

Ayon sa inisyal na impormasyon binabagtas ng convoy ng 63rd Infantry Batallion ng Philippine Army ang Danag-Latih Road sa Sitio Bwahan bwahan, Patikul, Sulu ng maganap ang pagpapasabog.

Nabatid na matapos makalagpas ang huling sasakyan na kasama sa convoy dakong 7:00 ng gabi ng sumabog ang IED.

Pabalik na ang mga tauhan ng 63rd IB sa Camp Teodolfo Bautista sa Jolo, Sulu matapos ihatid ang iba pang tropa na magsasagawa ng operasyon laban sa bandidong Abu Sayyaf Group ng maganap ang pambobomba.

Inilagay ang IED sa gilid ng nasabing highway.

Wala namang naiulat na nasaktan o nasawi sa panibago na namang pagpapasabog ng IED sa sasakyan ng militar.