4 sundalo sugatan sa pagsabog sa Lamitan
Sugatan ang apat na sundalo matapos sumabog ang isang improvised explosive device (IED) sa Lamitan City sa lalawigan ng Basilan.
Ayon kay Major Filemon Tan Jr., tagapagsalita ng Western Mindanao Command ng Armed Forces of the Philippines (AFP), nagsasagaw ang foot patrol ang mga myembro ng 14th Scout Ranger Coy sa Barangay Sabong nang maganap ang pagsabog.
Ang Barangay Sabong ay may layo lamang na limang kilometro sa sentro ng Lamitan City
Ang insidente ay naganap alas-9:15 ng umaga kanina, araw ng Lunes.
Agad namang nagpadala ng reinforcement ang 3rd Scout Ranger Battalion at iniligtas ang mga sugatang sundalo.
Isinugod sila sa Lamitan Hospital at kalaunan ay dinala sa military hospital sa Zamboanga City.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.