Panibagong oil price rollback, asahan sa susunod na mga araw

Posibleng muling magpatupad ang ilang kumpanya ng langis ng bawas presyo sa mga produktong petrolyo sa susunod na mga araw.

Batay sa oil industry, tinatayang aabot sa 90 centavos hanggang 1 peso ang pagbabawas sa kada litro ng presyo ng gasolina.

Papatak naman sa 75 centavos ang price rollback sa kada litro ng diesel.

Asahan naman na bababa sa 60 centavos ang presyo ng kada litro ng kerosene.

Ito na ang ikalawang oil price rollback ngayong buwan ng Nobyembre.

Ang nasabing oil price adjustment ay bunsod pa rin ng paggalaw ng presyuhan sa pandaigdigang merkado.