Panukala sa bagong sistema sa relokasyon ng informal settlers, aprubado na ng House committee
Lusot na sa House Committee on Housing ang panukala para sa pagtatatag ng on-site, in-city o near-city resettlement program para sa informal settlers.
Ayon sa chairman ng Housing Committee na si Negros Occidental Rep. Albee Benitez, ang panukalang ito ay isa sa sagot sa 5.5 million na housing backlog sa bansa at reresolba din sa mabigat na problema ng squatting.
Giit ni Benitez, kailangan nang maisabatas ito dahil sa ngayon ay 1.5 million na ang informal settler families sa Pilipinas, anim na raang libo dito ay nandito sa Metro Manila.
Nabigo umano ang gobyerno na tugunan ito dahil masyadong nag-focus sa relokasyon sa palabas ng Kalakhang Maynila kung saan walang hanapbuhay at walang access sa basic services ang mga informal settlers.
Kung maisasabatas ang on-site, in-city o near city resettlement bill ay hindi na mailalayo sa kanilang kasalukuyang lugar ang mga informal settlers kaya hindi na madidiskaril ang pamumuhay ng mga ito.
Kailangan din munang idaan sa masusing kunsultasyon ang relokasyon bago ito isakatuparan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.