Mayor at vice-mayor ng Cabiao Nueva Ecija sugatan sa ambush
Inambush ang convoy ng mayor at vice mayor ng Cabiao Nueva Ecija sa Brgy. Sto Nino Tabuan, Arayat sa lalawigan ng Pampanga.
Ayon kay S/Supt. Joel Consulta, Officer-in-Charge ng Pampanga Provincial Police Office, nakaligtas si Mayor Ramil Rivera at Vice Mayor Angelito dela Cruz.
Habang nasugatan naman ang hindi pa nakikilalang driver ng bise-alkalde.
Batay sa salaysay ng mga saksi, pasado alas-dose ng tanghali kanina nang sabayan ang convoy ng mga biktima ng isang itim na kotse sakay ang armadong mga lalaki
Doon na nagpaulan ng bala ang mga suspek bago mabilis na tumakas.
Patuloy naman ang isinasagawang imbestigasyon ng mga pulis sa nabanggit na insidente.
Kasalukuyang nagpapagaling sa hindi binanggit na ospital ang mga sugatang biktima.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.